जिल्ला विपद् व्यवस्थापन समितिको मिति २०७९/०३/१५ गतेको निर्णय
2079-03-16
2079-03-16
निर्णयहरुः
सिन्धुली जिल्लाको परिमार्जन सहितको विपद् पूर्वतयारी तथा प्रतिकार्य योजना, 2079 पारित गर्ने निर्णय गरियो ।
सबै नगरपालिका/गाउँपालिकाले आ-आफ्नो पालिकाको लागि विपद् पूर्व तयारी तथा प्रतिकार्य योजना, तयार गरी सोको जानकारी जिल्ला विपद् व्यवस्थापन समितिलाई गराउने । आवश्यकता अनुसार सोको तयारीका लागि जिल्ला रेडक्रस सोसाइटीले सहजिकरण गर्ने ।
सबै पालिकाले विपद् व्यवस्थापन कोषलाई सक्रिय बनाइ सुरक्षा निकाय तथा जिल्ला विपद् व्यवस्थापन समितिसँग समन्वय र सहकार्य गरी विपद् व्यवस्थापनका कार्य प्रभावकारी रुपमा गर्ने व्यवस्था मिलाउने ।
सबै पालिकाले विपद् व्यवस्थापनका लागि Focal Person तोकी नियमित रुपमा बैठक गर्ने र सम्पर्क संजाल बनाइ विपद् व्यवस्थापनको कार्यलाई प्रभावकारी बनाउने ।
विपदबाट प्रभावित व्यक्तिलाई नियमानुसार प्राप्त हुने राहत तथा क्षतिपूर्तिको लागि सप्रमाण प्रहरी मुचुल्का तथा पालिकाको विपद् व्यवस्थापनबाट सिफारिस भई आएमा छिटो छरितो तरिकाले उपलब्ध हुने व्यवस्था मिलाउने ।
मनसुन तथा बाढी पहिरोको समय भएकोले जोखिममा परेका बस्ती, समुदायको पहिचान सम्बन्धित पालिकाले गरी आवश्यकतानुसार सम्बन्धित संस्था, निकाय, विपद् व्यवस्थापनसँग सम्बन्धित सरोकारवालसँग समन्वय र सहयोगको व्यवस्था मिलाउने ।
विपद्जन्य घटनाको कारण धनजनको क्षतिको क्षतिपूर्ति/राहत प्राप्तिका लागि सम्बन्धित स्थानीय तहको विपद् व्यवस्थापन समिति मार्फत सिफारिस गरी पठाउने र चालु आ.व. 2078/079 मा विभिन्न घटनामा क्षति भएका घर परिवारलाई वितरण गरिएको रकम समेत अनुमोदन गर्ने ।
गृह मन्त्रालयबाट प्राप्त मिति २०७९/०३/१४ चलानी नं. ३५८ को पत्र सम्बन्धमा छलफल गरी मनसुनजन्य कारणबाट हुनसक्ने जोखिम विश्लेषण गरी पूर्व तयारी तथा प्रतिकार्यलाई प्रभावकारी बनाउने निर्णय गरियो । विपद्का बखत उपयोग गर्न सकिने गरी सबै पालिकाले आपतकालिन आश्रयस्थलको पहिचान र अध्यावधिक गर्ने ।
